सहमतीय सरकार निर्माणका लागि राष्ट्रपति रामवरण यादवले आहन गरेपछि एकीकृत माओवादी र नेपाली काग्रेसले क्रमशः बाबुराम भट्टराई र शेरबहादुर देउवालाई उम्मेदवारको रुपमा अघि सारे । तर, सहमतीय प्रक्रियाबाट सरकार गठनको प्रयास सफल भएन । दलहरुको आग्रहमा राष्ट्रपति यादवले सहमतीय सरकार गठनका लागि थप तीन दिनको समय दिएपनि यसबीचमा पनि दलीय सहमति कायम हुन सकेन । त्यसपछि प्रधानमन्त्री चयनका लागि बहुमतीय प्रक्रिया अघि बढाइयो । सहमति जुटाउन नसकेपछि काग्रेसका वरिष्ठ नेता देउवाले चुनावी मैदान छाडे भने उनको पार्टीले वहुमतीय सरकारका लागि संसदीय दलका नेता रामचन्द्र पौडेललाई प्रधानमन्त्रीको रुपमा अघि सार्यो । भट्टराई र पौडेल दुवैले प्रधानमन्त्री निर्वाचनमा आ–आफूलाई सहयोग गर्न आग्रह गर्दै संसदमा रहेका दलहरुसँग पटक–पटक वार्ता गरे ।

माओवादीले शान्ति र संविधान सम्बन्धी प्रस्ताव सार्वजनिक ग¥यो जसमा आफ्नो नेतृत्वमा सरकार गठन भए डेढ महिनामा शान्ति प्रक्रियालाई टुङ्गो लगाउने कार्यतालिका समेत थियो । तर, माओवादीको प्रस्तावलाई काँग्रेस र एमालेले सकारात्मक नभएको टिप्पणी गरे । दुवै दलले माओवादी शान्ति र संविधान निर्माणप्रति इमान्दार नभएको र विगतको भन्दा पछि हटेर प्रस्ताव ल्याएको आरोप लगाए । काँग्रेसका तर्फबाट उम्मेदवार भएका रामचन्द्र पौडेले पनि आफू प्रधानमन्त्री भए शान्ति प्रक्रिया र लोकतान्त्रिक संविधान निर्माणलाई मुख्य प्राथमिकता दिने गरी ११ बुँदे कार्ययोजना सार्वजनिक गरे । एमालेले शान्ति प्रक्रियाप्रति लचिलो नभए काँग्रेसलाई मतदान गर्ने निर्णय गर्यो भने संयुक्त लोकतान्त्रिक मधेशी मोर्चाले एकीकृत माओवादीलाई समर्थन गरेपछि भट्टराईको नेतृत्वमा वहुमतीय सरकार गठन भयो । काग्रेस र एमाले भने विपक्षमा छन् । छन् ।

मुख्य गतिविधि